АҚШ ва Хитой ўртасидаги технологик қарама-қаршилик истиқболлари

«Росконгресс» жамғармаси АҚШ ва ХХР ўртасидаги технологик қарама-қаршилик ҳақида материал чоп этди.

Америка яримўтказгичлар саноати ассоциацияси маълумотларига кўра, Хитой бозори яримўтказгичлар учун энг катта бозор бўлиб, Америка компаниялари савдосининг 36%ини ташкил қилади.

Таҳлилчиларнинг фикрича, ХХРнинг микросхемалар ишлаб чиқариш қуввати АҚШнинг ушбу соҳа ривожланишини секинлаштиришга уринишларига қарамай, яқин уч-беш йил ичида икки баравар ошиши мумкин.

Хитой "етук" чиплар деб ҳам аталадиган асосий чипларни ишлаб чиқариш қувватини фаол равишда оширмоқда. Улар 10-20 йил олдинги технологиядан фойдаланадилар, аммо ҳали ҳам кенг турдаги маҳсулотлар, жумладан, маиший ва ҳатто баъзи ҳарбий техникада қўлланилади.