АҚШ клуби Шомуродовни 5 миллион долларга сотиб олмоқчи

Американинг МЛС клуби "Атланта Юнайтед" ҳужумчи Элдор Шомуродов бўйича "Рома"га расмий таклиф юборди.

Италия ОАВси берган маълумотларига кўра, таклиф 5 миллион долларни ташкил этади (бу ҳозирги курс бўйича тахминан 4,5 миллион евро). Бу музокараларни бошлаш учун дастлабки таклифнинг суммаси.

Олдинроқ инсайдер Фабрицио Романо ўзбекистонлик ҳужумчи борасида "Атланта Юнайтед" ва "Рома" ўртасидаги алоқалар ҳақида хабар берган эди. Шомуродов “Рома”да уч йилдан буён ўйнаб келмоқда, бироқ ҳужумчимиз уч мавсумнинг иккитасини А Сериянинг бошқа клублари - “Специя” ва “Кальяри”да ижара асосида ўтказди.