АҚШ Boeing таклифини ўрганиб чиқмоқда

АҚШ Boeing таклифини ўрганиб чиқмоқда

Пентагон Boeing корпорациясининг Украинага кичик диаметрли арзон ва юқори аниқликдаги снарядларни Киевга бериш бўйича таклифини кўриб чиқмоқда. Ушбу снарядлар Россияга зарба бериш учун Киевнинг ташувчи воситасига мос келади. Бу ҳақда душанба куни Reuters агентлиги хабар тарқатди.

Агентликнинг корпорация манбаларига таяниб ёзишича, снарядлар 150 километр масофадан нишонни аниқ ура олади. Бундай қурол-яроғлар ва уларни ташувчи воситалар тахминан 40 минг долларни ташкил этади, яъни ушбу лойиҳа қиммат бўлмайди.

Вашингтондаги Стратегик ва халқаро тадқиқотлар маркази раҳбарларидан бири Том Караконинг таъкидлашича, гап арзон нарх ва кўп сонлар ҳақида бормоқда. АҚШнинг Афғонистондаги амалиётлари якунлангандан кейин жуда кўп снарядлар қолиб кетди. Улардан Украинада фойдаланиш мумкин. Бундай снарядлар Киевга Россиянинг ичкарисига зарба бериш имконини беради.

Reuters маълумотларига кўра, ушбу снарядлар 2023 йил баҳорда Украинага етказилиши мумкин. Boeing мазкур снарядларни яратиш ва ишлаб чиқаришни 2019 йилда Швециянинг Saab AB аэрокосмик компанияси билан биргаликда бошлаган эди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!