Зеленский Украина ва Россия ўртасида деярли ҳеч нарса қолмаганини айтди

Владимир Зеленский Россия етакчиси Владимир Путиннинг Украина сайланган президенти билан умумий жиҳатлар кўп эканлиги ҳақидаги фикрларига муносабат билдирди. Бу ҳақда Дарё нашри ёзмоқда.

Реал ҳолат шундан иборатки, Қрим аннексияси ва Донбассдаги тажовуздан сўнг умумий жиҳатлардан фақат биттаси давлат чегараси қолди , дея ёзув қолдирган Зеленский Facebook даги саҳифасида.

Шунингдек, Зеленский Россия томонидан Украинага нефть маҳсулотлари экспортига тақиқ жорий этилгани, Донецк ва Луганск аҳолисига Россия паспортларини беришга қарор қилингани, шунингдек, украиналикларни тутқунликда сақлаб туриш икки давлат ўртасида муносабатларни яхшилашга хизмат қилмаслиги, бундай алоқаларни аниқ биродарлик ришталари деб бўлмаслигини таъкидлади.