Япония мудофаа қобилиятини мустаҳкамламоқчи

Япония мудофаа қобилиятини мустаҳкамламоқчи

Япония бош вазири Фумио Кисида америкалик бир гуруҳ сенаторлар билан учрашувда унинг мамлакати мудофаа харажатларини оширишини маълум қилди, дейилади Япония ташқи ишлар вазирлиги тарқатган хабарда.

"Бош вазир НАТО билан ҳамкорликни янада мустаҳкамлаш устида иш олиб бориши ҳақида таъкидлади. Бундан ташқари, бош вазир Ҳинд –Тинчокеани минтақасида тинчлик ва тараққиётни таъминлаш жаҳон ҳамжамияти учун муҳим эканини айтган.

Ўтган ойда АҚШ – Япония ўртасида бўлиб ўтган олий даражадаги учрашув натижаси улароқ Япониянинг мудофаа қобилиятини тубдан мустаҳкамлаш, Япония – Америка иттифоқини қўллаб-қувватлаш зарурлиги қайд этилди", – дейилади мамлакат ташқи ишлар вазирлиги тарқатган баёнотда.

Кисида шу йил май ойида АҚШ президенти Жо Байден билан учрашганда Япониянинг мудофаа харажатларини ошириш ниятида эканини айтганди.

Япония ҳалигача мудофаа харажатларини ошириш масаласида аниқ рақамни айтгани йўқ. Гап ушбу харажатларни келгуси беш йил давомида ошириб бориш, шунингдек, НАТО мамлакатлари каби мамлакат ЯИМининг 2 фоизига етказиш устида бормоқда. Ҳозирда Япония мудофаага тахминан 5,4 триллион иена (тахмина 40 миллиард доллар) сарфламоқда. Бу мамлакат ЯИМининг 1,24 фоизини ташкил этади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!