Ямал Холанд ва Альварес трансферларига қарши чиқди
Матбуотда Эрлинг Холанд анчадан бери "Барселона" билан боғлаб келинади. "Манчестер Сити" молиявий қоидаларни бузганликда айбдор деб топилганидан сўнг норвегиялик тўпурарнинг келажаги ҳақидаги миш-мишлар яна кучайди.
Агар "шаҳарликлар" апелляцияда ҳам ютқазиб, жиддий жазога тортилса, Холанд Премьер-лига грандининг бошқа юлдузлари сингари клубини ўзгартириш имкониятини кўриб чиқиши мумкин.
El Nacional нашри маълумотига кўра, Ламин Ямал Эрлинг Холанднинг трансферини ҳам, Хулиан Альвареснинг харид қилинишини ҳам қўллаб-қувватламайди.
Ямал бу вариантлар ўрнига "Барселона" ёзги мавсумолди тайёргарлик жараёнида ўзини яхши кўрсатган ёш ҳужумчи Ҳамза Абдулкаримга ишонч билдиришини истамоқда.