Yamal Xoland va Alvares transferlariga qarshi chiqdi

Matbuotda Erling Xoland anchadan beri "Barselona" bilan bog‘lab kelinadi. "Manchester Siti" moliyaviy qoidalarni buzganlikda aybdor deb topilganidan so‘ng norvegiyalik to‘purarning kelajagi haqidagi mish-mishlar yana kuchaydi.

Agar "shaharliklar" apellyasiyada ham yutqazib, jiddiy jazoga tortilsa, Xoland Premyer-liga grandining boshqa yulduzlari singari klubini o‘zgartirish imkoniyatini ko‘rib chiqishi mumkin.

El Nacional nashri ma’lumotiga ko‘ra, Lamin Yamal Erling Xolandning transferini ham, Xulian Alvaresning xarid qilinishini ham qo‘llab-quvvatlamaydi.

Yamal bu variantlar o‘rniga "Barselona" yozgi mavsumoldi tayyorgarlik jarayonida o‘zini yaxshi ko‘rsatgan yosh hujumchi Hamza Abdulkarimga ishonch bildirishini istamoqda.