ХХР раиси: "Хитойда коронавирус тарқалиши тезлашган..."

Хитойда хавфли коронавирус инфекциясининг тарқалиш суръати тезлашди, деб маълум қилди ХХР раиси Си Цзиньпин.

"Биз хавфли вазиятга дуч келдик, янги коронавируснинг тарқалиши тезлашмоқда. Бироқ ҳозир биз жамоат соғлиқни сақлаш тизимида жиддий фавқулодда инқирозга дуч келдик", - дея унинг сўзларидан иқтибос келтирмоқда Хитой ОАВ.

Си Цзиньпин бундай баёнотни коронавирусга қарши кураш чораларига бағишланган сиёсий бюронинг йиғилишидан сўнг берган.

Global Times нашрининг ёзишича, Хитойда аҳолини янги коронавирусдан ҳимоя қилиш бўйича чора-тадбирлар 1 млрддан ортиқ кишини қамраб олади. Унинг маълумот беришича, 25 провинция ва муниципалитетда хавфнинг энг юқори даражаси эълон қилинган.

Хитойдан ташқари, Жанубия Корея, Япония, Тайланд, Австралия, Франция, Малайзия, АҚШ, Вьетнам ва Сингапурда вирус юқтириш ҳолати аниқланган.

24 январь куни кечқурун Франция ҳукумати икки кишини вурисни юқтириб олганини эълон қилди.