Хитой ҳукумати Жек Мага қарши "уруш" эълон қилди

Хитой ҳукумати Жек Мага қарши "уруш" эълон қилди

Хитой Халқ Республикаси Раиси Си Цзинпин мамлакатнинг асосий бой одами, Alibaba асосчиси Жек Мага қарши уруш эълон қилди. Бу ҳақда The Wall Street Journal манбаларига асосланиб ёзмоқда.

Унга кўра, Си Цзинпин Жек Манинг баёнотлари туфайли шахсан Хитой фонд бозорига кирган Ant Group (Alibaba шўба корхонаси) молиявий ва технологик компаниясининг акцияларини жойлаштиришни тўхтатиб туриш тўғрисида буйруқ берган.

Манбанинг ёзишича, бунга миллиардернинг 24 октябрь куни Шанхайдаги нутқида, ХХР раисининг сўзларидан иқтибос келтириб, мамлакатнинг юқори технологиялар саноатини бошқаришдаги сиёсатини танқид қилгани сабаб бўлган. Си Цзинпин бу баёнотни "Ма ўзининг шахсий обрўсини мустаҳкамлашга ва Хитой ҳукуматининг ҳаракатларига шубҳа қилишга уриняпти" дея изоҳлади.

Шунингдек, Си Цзинпинни Манинг дунёдаги энг бой одамлар рўйхатига киргани қизиқтирмайди. Aввало, унга инсоннинг бойиб кетгандан кейин нима қилиши ва давлат манфаатлари билан ҳисоблашиши муҳим.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!