Венгрия ва Хитой ўртасида атом энергетикаси бўйича шартнома имзоланди
Венгрия ва Хитой ўртасида турли соҳаларда, жумладан, атом энергиясидан тинч мақсадларда фойдаланиш бўйича 16 та ҳамкорлик шартномаси тузилди. Ҳужжатлар Венгрия Бош вазири Виктор Орбан ва Будапештга ташриф буюрган Хитой раҳбари Си Сзинпин иштирокида имзоланди.
Маросим Венгрия телевидениеси орқали намойиш этилди. Ҳамкорлик шартномалари сармоя, энергетика, савдо, молия, божхона назорати, қишлоқ хўжалиги, туризм, фан, маданият ва оммавий ахборот воситалари каби соҳаларни қамраб олди. Улар икки давлатнинг тегишли идоралари ўртасидаги ўзаро ҳамкорликни таъминлайди.
Бундан ташқари, томонлар Венгрия ва Хитой ҳукумат департаментлари ўртасида ахборот алмашиш бўйича иккита меморандум имзоладилар. Музокаралар якунида журналистлар билан бўлган учрашувда сўзга чиққан Орбан, бунинг икки давлат ўртасидаги муносабатларни янги, анча юқори босқичга олиб чиқаётганини айтди. Бош вазир Хитой сармоясининг Венгрия иқтисодиётига, жумладан, ҳамкорликнинг янги йўналишлари, жумладан, атом энергетикасига янада кириб келишидан манфаатдорлигини билдирди.
