Ўзбекистонда Хитой вакцинасининг текширув жараёни бошланди

Ўзбекистонда Хитой вакцинасининг текширув жараёни бошланди

Инновацион ривожланиш вазири Иброҳим Абдураҳмонов Ўзбекистонда синовдан ўтказилиши кутилаётган Хитой вакцинасининг умидбахш эканлигини таъкидлаган ва «Бир нечта вакцина синовини параллел равишда ўтказиш – давр тақозоси», – деган эди.

"Kun.uz" нашрининг ёзишича, жорий йилнинг 21 октябрь куни Инновацион ривожланиш вазирлиги коронавирусга қарши рекомбинант вакцинанинг клиник синовларини Ўзбекистонда ташкил этиш масаласи бўйича Хитой Фанлар академияси Микробиология институти ва “Anhui Zhifei Longcom Biopharmacyeutical” компанияси вакиллари билан музокаралар ўтказди.

2020 йил 19 ноябрь куни Инновацион ривожланиш вазирлигинингИлғор технологиялар маркази томонидан сифат назорати текширувларини ўтказиш учун тақдим қилинган вакцина, плацебо намуналари ва тегишли стандартлар ҳамда реагентлар Фармацевтика тармоғини ривожлантириш агентлиги ҳузуридаги давлат маркази томонидан қабул қилинди.

Ҳозирги вақтда Давлат марказининг Фармакология қўмитаси томонидан ушбу вакцина клиник тадқиқотларининг биринчи ва иккинчи босқичлар ҳужжатлари экспертизаси, шунингдек, “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУКнинг Вакцина, зардоб препаратлари ва микробиологик таҳлил лабораторияси, Дори воситалари сифатини назорат қилиш ва стандартлаштириш лабораторияси ҳамда Фармако-токсикологик лабораторияда вакцинанинг сифат назорати текширувлари ўтказилмоқда. Таъкидлаш жоиз, барча амалга оширилаётган ишлар ССВ назоратида.

Текширувлар ижобий якунланганидан сўнг, давлат маркази ва Этика қўмитасининг ижобий хулосасига мувофиқ, вакцинанинг учинчи босқич клиник тадқиқотларини Ўзбекистонда ўтказиш масаласи ҳал этилади, – дея хабар берган Фармацевтика тармоғини ривожлантириш агентлиги матбуот хизмати.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!