Умра қилаётганлар Саудияда 30 кунгача қолишлари мумкин

Умра қилаётганлар Саудияда 30 кунгача қолишлари мумкин

Саудия Арабистони Ҳаж ва умра вазирлиги бошқа мамлакатлардан умра зиёратига келган 18 ёшли ва ундан катта ёшдаги мусулмонлар энди подшоҳлик ҳудудида 30 кунгача қолишлари мумкинлигини эълон қилди.

Ўтган йил охирида умра зиёрати босқичма-босқич тикланганидан сўнг хорижлик зиёратчиларга 10 кун қолишга рухсат берилган эди. Сўнгги ҳафталарда Саудия Арабистони вирусга қарши чекловларни юмшатиб бормоқда.

Ҳаж ва умра вазирлигининг билдиришича, Саудия Арабистонида 30 кунгача қолмоқчи бўлган хорижлик зиёратчилар COVID-19 га қарши тўлиқ эмланган бўлиши керак.

Саудияда тан олинган вакциналар билан эмланган зиёратчилар умра амалларини карантинсиз бажариши мумкин. Жаҳон Соғлиқни Сақлаш Ташкилоти тасдиқлаган бошқа вакциналар билан эмланганлар эса уч кунлик карантинда бўлади.

Карантиндан сўнг улар манфий кўрсаткичли ПЗР тести натижасини кўрсатишлари керак бўлади, шундан кейингина умра амалларини бажаришларига рухсат берилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!