Туркманистонда коронавирусга тайёргарлик бошланди

Жаҳон соғлиқни сақлаш ташкилотининг миссияси Туркманистонга Франкфуртдан чартер рейс билан етиб келди, у маҳаллий ҳокимият ва мутахассислар билан коронавирус инфекцияси муаммоси бўйича биргаликда иш олиб бормоқда. Бу ҳақда ҳукуматнинг "Нейтрал Туркманистон" газетаси хабар берди.

Таъкидланишича, Жаҳон соғлиқни сақлаш ташкилоти мутахассисларининг Туркманистондаги қарийб 10 кунлик фаолиятининг асосий мақсади, мамлакатга CОVID-19  кириб келишига тайёргарлик кўришдир. Миссияни ЖССТнинг Европа минтақавий бюроси фавқулодда вазиятлар бўйича катта мутахассиси Кетрин Кичиквуд бошқаради.

Расмий маълумотларга кўра, Туркманистонда ҳали ҳам коронавирус ҳолати қайд этилмаган.