“Туркмангаз” ва “Туркманкимё” компаниялари раҳбарлари жиддий огоҳлантирилди

“Туркмангаз” ва “Туркманкимё” компаниялари раҳбарлари жиддий огоҳлантирилди

Туркманистон президенти Сердар Бердимуҳамедов икки бош вазир ўринбосари, шунингдек, “Туркмангаз” ва “Туркманкимё” компаниялари раҳбарларига танбеҳ берди.

Бундай қарор Вазирлар Маҳкамаси мажлисида қабул қилинди, деб ёзади hronikatm.com.

Нефт ва газ саноатига масъул бўлган Бош вазир ўринбосари Шоҳим Aбдраҳмонов товар газ захираларини таъминлаш мақсадида ер ости омборларини қуриш ҳақида маълумот берди. Бу Туркманистон учун биринчи шундай лойиҳа бўлади.

Кейин расмий Туркманбоши нефтни қайта ишлаш заводлари мажмуасида импорт ўрнини босувчи маҳсулотлар – Б-92 русумли авиабензин ишлаб чиқарилишини айтди.

Давлат раҳбари Aбдраҳмонов ва “Туркмангаз” давлат консерни раиси Ботир Aмановга “сўнгги огоҳлантириш билан қаттиқ танбеҳ” эълон қилди. Тез орада ўз камчиликларини тузатмаса, ишдан бўшатилади, деди президент. Қайси камчиликлар ҳақида гап кетаётгани аниқланмаган.

Охирги марта Шоҳим Aбдраҳмонов ва Ботир Aманов бир ой аввал Вазирлар Маҳкамасининг 11 ойлик фаолияти якунлари бўйича 16 декабр куни бўлиб ўтган мажлисида “хизмат вазифаларини лозим даражада бажармаганлиги, ишдаги камчиликлари учун” танбеҳ олганди.

Шунингдек, Сердар Бердимуҳамедов Пурчеков ва “Туркманкимё” давлат консерни раиси Ниязли Ниязлиевга “хизмат вазифаларини лозим даражада бажармаганликлари, ишдаги жиддий камчиликлари учун якуний огоҳлантириш билан” қаттиқ танбеҳ берди ҳамда тузатилмаса, ишдан бўшатишга ваъда берди.

Чаримират Пурчеков охирги марта ўтган йилнинг июль ойида “ишдаги камчиликлари учун” танбеҳ олганди. Ниязли Ниязлиев феврал ойида қаттиқ танбеҳ ва 2021 йилнинг ноябрида Гурбангули Бердимуҳамедов президентлиги даврида танбеҳ олганди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!