Туркияда Қирғизистон ва Тожикистон фуқаролари қўлга олинди

Истанбулда Туркия махсус хизматлари ИШИДнинг (Туркия Республикасида тақиқланган) икки нафар аъзоси, асли Қирғизистон ва Тожикистон фуқаросини қўлга олди, деб ёзади Ҳурриет. Маҳаллий хавфсизлик расмийларига кўра, қўлга олинганлар Истанбулда теракт уюштиришни режалаштирган.

Марказий Осиёдан келган муҳожирлар истиқомат қилаётган уйда тинтув ўтказилганда, полиция кийими, автомобиль учун милтилловчи чироқ, пичоқ ва тўппонча учун ғилоф топилган.

Қайд этилишича, улардан бири ҳибсга олинган, иккинчиси депортация қилинган.