Туркияда конституция янгиланиши мумкин

Туркия президенти Ражаб Тоййиб Эрдўған мамлакатда янги конституция қабул қилиниши мумкинлигини айтди. Бу ҳақда Анадўлу агентлиги хабар бермоқда.

"Эҳтимол, Туркияда янги конституцияни қабул қилишни яна муҳокама қилиш вақти келгандир", -деди у республика вазирлар маҳкамаси йиғилиши якунлари бўйича.

"Агарда Халқ алянси бўйича ҳамкоримиз билан муросага келсак, яқин даврда янги конституция бўйича чоралар қабул қилишимиз мумкин", -дея қўшимча қилди Туркия раҳбари.

Эрдўғаннинг таъкидлашича, янги конституция устидаги ишлар шаффоф олиб борилиши, якуний матн эса халқ эътиборига ҳавола қилиниши лозим.