Туркия, Ироқ, Қатар ва БАА «Тараққиёт йўли» лойиҳаси бўйича меморандум имзолади
22 апрель куни Бағдодда Ироқ, Туркия, Қатар ва БАА ўртасида «Тараққиёт йўли» лойиҳаси доирасидаги ҳамкорлик бўйича 4 томонлама англашув меморандуми имзоланди.
Бағдоддаги Ҳукумат саройида имзоланган англашув меморандуми Туркия президенти Ражаб Тоййиб Эрдўған ва Ироқ Бош вазири Муҳаммад Шиа ал-Суданий ҳомийлигида бўлиб ўтди.
Имзолаш маросимида Туркия транспорт ва инфратузилма вазири Абдулқодир Уралўғли, Ироқ транспорт вазири Реззак Муҳайбис, Қатар транспорт ва коммуникация вазири Қосим бин Сейф ал-Сулайти ҳамда БАА энергетика ва инфратузилма вазири Суҳаил Муҳаммад Ал Мезруи ҳам иштирок этди.
Матнда хатолик топсангиз, ўша хатони белгилаб, бизга жўнатинг (Ctrl + Enter).