Туркия дунёда коронавирус бўйича бешталикка қўшилди

Туркия дунёда коронавирус бўйича бешталикка қўшилди

Туркия дунёда коронавирус билан касалланиш ҳолатлари бўйича бешталик давлатлар қаторига қўшилди, деб хабар беради ССВ матбуот хизмати.

Хабарда Жаҳон соғлиқни сақлаш ташкилотининг  дунёда коронавирус инфекциясини юқтирганлар сони бўйича маълумотлари келтирилган.

Унга кўра, дунё бўйича касалланганлар сони 151 миллион 803 мингдан ортиқни ташкил этмоқда, шундан 3 миллион 186 мингдан зиёд киши вафот этган (02.05.2021 йил Европа вақти билан соат 15:09 ҳолатига кўра). Охирги сутка давомида дунёда коронавирус инфекцияси билан касалланишнинг 808 563 янги ҳолати аниқланди. 12 870 нафар бемор вафот этди.

Жонс Хопкинс университетининг ҳозирги (03.05.2021 йил Тошкент вақти билан соат 14:21 ҳолати) маълумотларига кўра, дунёда касалликни 152 миллион 900 мингдан ортиқ одам юқтирган, улардан 3 миллион 203 мингдан ортиғи вафот этган. Касаллик тасдиқланган ҳолатлар бўйича:

АҚШ биринчи ўринда турибди, у ерда ЖССТ маълумотларига кўра 32,002 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (19,557 миллиондан ортиқ), учинчи ўринда Бразилия (14,659 миллиондан ортиқ), тўртинчи ўринда Франция (5,553 миллиондан ортиқ), бешинчи ўринда эса Туркия (4,849 миллиондан ортиқ).

ЖССТ маълумотларига кўра, бир сутка давомида АҚШда 53 567, Ҳиндистонда 392 488, Бразилияда 68 333, Францияда 23 986, Туркияда эса 28 817 нафар янги касалланиш ҳолати аниқланган.

Жорий йилнинг 28 апрель ҳолатига кўра дунё бўйича коронавирусга қарши 1 миллиард 011 миллиондан ортиқ доза вакцина қўлланилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!