Трамп Эронни йўқ қилиб юбориш билан таҳдид қилмоқда (Видео)

АҚШ томонидан Эрон раҳбариятига янги санкцияларнинг жорий этилиши давлатлар ўртасидаги муносабатларни янада совуқлашувига сабаб бўлмоқда, деб хабар берди Еuronews.com. нашри

Оқ уй раҳбарининг ушбу қарорига фикр билдирган Эрон президенти Ҳасан Раҳоний “АҚШ маъмуриятининг бу каби хатти-ҳаракатлари унинг ақли заифлигини билдиради”, дея таъкидлади. Бунга эса ўз навбатида Президент Дональд Трамп кескин муносабат билдирди. У ўзининг Твиттердаги саҳифасида Эронни бутунлай йўқ қилиб юбориш билан таҳдид қилди. “Эрон АҚШнинг бирор нарсасига ҳужуми улкан ва кўпроқ куч билан қарши олинади. Баъзи жабҳаларда кўпроқ куч йўқ қилишни англатади”, деб ёзган Трамп. У шунингдек, “Бошқа ҳеч қандай Жон Керри ва Обама бўлмайди!”, деб қўшимча қилган. АҚШ президенти буўринда 2015 йилда Эрон билан ядро келишувини тузган ўзидан аввалги президент Барак Обама ва собиқ давлат котибини назарда тутган.

Франция ташқи ишлар вазири Эронни АҚШ босимига қарши кескин чоралар кўришдан эҳтиёт бўлишга даъват этди. “2015 йилги ядро келишуви шартларининг Эрон томонидан бузилиши жиддий хато ва АҚШ босимига қарши нотўғри жавоб бўлади”- дея, таъкидлади у. Буюк Британия ташқи ишлар вазири Жереми Хант Британия АҚШ томонида туриб, Эронга қарши урушиши сценарийсини тасаввур қила олмаслигини билдирди. У Яқин Шарқдаги вазият ҳамда Вашингтон ва Теҳрон ўртасидаги дипломатик низонинг ривожланишидан жиддий ташвишда эканлигини айтди.