Трамп Байденнинг инаугурациясида иштирок этмаслигини маълум қилди

Трамп Байденнинг инаугурациясида иштирок этмаслигини маълум қилди

Президент Дональд Трамп 8 январь куни сайланган президент Жо Байденнинг инаугурациясида иштирок этмаслигини маълум қилди.

«Барча сўраганларга, мен 20 январь куни инаугурацияга бормайман», деб ёзди президент "Тwиттер"да.

Трамп бу ҳақда Конгресс Байденни 2020 йилги сайловларда ғолиб деб тан олганидан бир кун кейин эълон қилди. Президент пойгада ўз мағлубиятини тан олмади, аммо ҳокимиятни ўтказиш тинч йўл билан ўтишини айтди.

Капитолий биносига бостириб кирган намойишчилар томонидан қўшма йиғилиш тўхтатилгандан кейин, Конгресс Байденни пайшанба эрта тонгдан ғолиб деб эълон қилди. Бир неча соатдан сўнг қўшма йиғилиш қайта бошланди.

Байден учун сайловчилар рўйхатини санашга қарши бўлган бир неча сенаторлар йиғилиш қайта бошлангандан сўнг, ўз имзоларини қайтариб олишди. Еттита эътироздан фақат иккитаси кўриб чиқилди ва улар рад этилди.

Тwиттер унинг профилини блокдан чиқарганидан кўп ўтмай, Трамп унга овоз берган тарафдорларига хабар юбориб, келажакда уларнинг «улкан овоз» бўлишини айтди.

“Менга овоз берган 75 миллион буюк америкалик ватанпарварлар, AMERICA FIRST, и MAKE AMERICA GREAT AGAIN (БИРИНЧИ АМEРИКА ва АМEРИКАНИ БУЮКЛИГИНИ ҚАЙТА ТИКЛАБ), ҳали узоқ вақт давомида ГИГАНТ ОВОЗГА эга бўлади. Уларга ҳеч қандай ҳурматсизлик ёки ноҳақ муносабат кўрсатилмайди !!! «- деб ёзди Трамп.

Байденнинг жамоаси ушбу шарҳга муносабат билдирмади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!