Тошкентдан учган самолёт Наманганга қўниши керак эди, лекин...

Тошкентдан учган самолёт Наманганга қўниши керак эди, лекин...

Uzbekistan Airways’нинг Тошкентдан Наманганга учган йўловчи самолёти қўна олмасдан, пойтахтга қайтиб келди. Бу ҳақда «Новости Ташкентского Неба» Telegram-канали хабар берди.

HY-669 рейси билан Тошкент—Наманган йўналишида учган а-320-214 самолёти ноқулай об-ҳаво туфайли ортга қайтишга мажбур бўлган.

Совуқ ҳаво, қуюқ туман, горизонтал кўриш имкони 600 метрдан кам, вертикал кўриш имкони 60 метрдан кам бўлган ҳолатда самолёт экипажи Ислом Каримов номидаги Тошкент халқаро аэропортига қайтишга қарор қилган.

HY-669 Наманган—Новосибирск ва HY-670 Новосибирск—Наманган—Тошкент рейслари ҳам ноқулай об-ҳаво туфайли номаълум вақтга кечиктирилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!