ТАCC: рус ҳакамлари Европа чемпионатида ишламайди

Россиялик ҳакамлар жорий йилнинг 14 июнидан 14 июлига қадар бўлиб ўтадиган футбол бўйича Европа чемпионати ўйинларида ишламайди. УЕФА томонидан эълон қилинган ҳакамлар рўйхатида Россия вакиллари йўқ.

2022 йилнинг февралидан кейин ташкилот россиялик ҳакамлардан ҳозирча ўз ўйинларида, жумладан, логистика туфайли фойдаланмасликка қарор қилган. Ўтган йилнинг сентябр ойида Вера Опеикина Россия терма жамоаси дисквалификация қилинганидан кейин УЕФА шафелигидаги ўйинга чақирилган биринчи россиялик ҳакам бўлган эди.