Словаклар Украинага юбориш мақсадида 2700 снаряд учун пул йиғди

Роберт Фицо ҳукуматининг Украинага нисбатан сиёсатига рози бўлмаган Словакия аҳолиси Украина артиллерияси учун 2700 га яқин снаряд учун шахсий ташаббус сифатида пул йиғишди.

«Укринформ» агентлигининг Чехиянинг ČТК агентлигига таяниб хабар беришича, йиғин ташкилотчилари ва уларнинг чехиялик ҳамкорлари Чехиянинг STV Group ҳарбий-саноат компанияси билан 2692 дона снаряд сотиб олиш бўйича музокаралар олиб бормоқда.

Маблағ йиғиш ташкилотчилари, бу ҳақда уч ҳафта олдин эълон қилиб, дастлаб миллион евро йиғишни кутганди, аммо бу миқдорга икки кун ичида эришилди. Энди, 9 майга ўтар кечаси, «Украина учун ўқ-дорилар» ташаббуси сайтида 4,189 миллион евро миқдоридаги маблағ кўрсатилган.

Деярли 66 минг киши хайрия қилди, улардан бири бирданига 100 минг евро берди.

Маблағ йиғиш унинг иштирокчиларига Украинага ўтган октябрь сайловларидан сўнг ҳокимиятга келган Роберт Фицо миллий популистик ҳукуматини четлаб ўтишда ёрдам беришга имкон беради. Фицо ўз сайловчиларига унинг даврида Словакия Украинага бирорта ҳам ўқ юбормаслигига ваъда берди.

Фицо, шунингдек, Украина учун снарядлар сотиб олиш бўйича Чехия лойиҳасида иштирок этишдан бош тортди, бунга аллақачон 20 га яқин давлат қўшилган.

Словакия бош вазирининг айтишича, Ғарбнинг Украинага кўрсатаётган ёрдами фақат урушни чўзмоқда ва Киев қуролларини ташлаб, Москва билан музокара бошлаши керак.