Саудия Арабистонида телеянгиликларни илк бор аёл диктор олиб борди

Саудия Арабистонида давлатга қарашли Saudi Tv телеканалида янгиликларни илк аёл диктор олиб борди. Бу ҳақда “Анадолу” хабар бермоқда.

Виам Дахил исмли диктор куннинг асосий янгиликларини Умар Нашвон билан бирга олиб борди.

В. Дахил Ливандаги Америка университетининг журналистика факультетини тамомлаган. Лондондаги “Ал-Ҳаят” газетасида, Қатардаги “Ал-жазира” ва “Ал-Араб” телеканалларида ишлаган.

Саудия Арабистонида сўнгги пайтларда юз бераётган ўзгаришлар туфайли аёлларга автомобил бошқаришга, Адлия вазирлигида ишлашга, спорт мусобақаларини томоша қилиш учун стадионга киришга рухсат берилди.

Manba: azon.uz