Самарқанддаги мактаб Beeline компанияси томонидан замонавий жиҳозланди
Бугун Самарқанд шаҳрида замон талабларига мос ҳолда таъмирланган 47-умумтаълим мактабининг очилиш маросими бўлиб ўтди.
Тадбирда Халқ таълими вазири Шерзод Шерматов, Beeline (Veon Group) компаниясининг президенти Каан Терзиоглу, вилоят ҳокимлиги ҳамда жамоатчилик вакиллари иштирок этди (https://www.facebook.com/SherzodXotamovichShermatov/videos/595174408150904).
Мазкур мактабнинг моддий-техник базасини таъминлаш учун Beeline компанияси томонидан ажратилган ҳомийлик маблағи асосида информатика, математика, робототехника ва инглиз тили хоналари учун 38 дона компьютер жамланмаси, ноутбук ва принтер билан жиҳозланди.
Меҳмонлар мактабдаги дарс жараёнлари билан танишиб, ўқитувчи ва ўқувчилар билан мактабда яратилган шароитлар билан қизиқди.
Фурсатдан фойдаланиб, мамлакатимиздаги бошқа йирик компанияларни ҳам мактабларга ёрдам умуммиллий ҳаракатига қўшилишга чорлаб қоламиз.
