Россияда ковиддан кейин безовталанишга қарши дори ишлаб чиқилди

2-босқичдаги клиник тадқиқотларда препарат юқори самарадорлик ва хавфсизликни кўрсатди, деди РИА Новости агентлигига “Авинейро” лойиҳаси тиббий директори Елена Якубова.

🌍Безовталик коронавируснинг энг кенг тарқалган асоратларидан бири бўлиб, бу руҳий ва когнитив саломатлик муаммоларининг сезиларли даражада ошишига олиб келади. Касаллик кундалик нарсалар ҳақида доимий, ҳаддан ташқари ташвишланиш билан тавсифланади. Бутунжаҳон соғлиқни сақлаш ташкилоти маълумотларига кўра, меҳнат қобилиятини йўқотишга олиб келиш бўйича дунёда олтинчи ўринда туради. Дунё бўйлаб 300 миллиондан ортиқ одам ушбу касалликдан азият чекмоқда.

8 ҳафталик терапиядан сўнг Гамильтон ташвиш шкаласи бўйича умумий балл икки бараварга камайди, препарат руҳий сиқилишга қарши таъсирини кўрсатди.