Россия «ёмон» миллиардерлар ўлкасими?
Россияда миллиардерларнинг умумий бойлиги мамлакат ялпи ички маҳсулоти (ЯИМ)нинг 35 фоизидан ўтиб кетди. Бу дунё бўйича энг юқори кўтсаткичдир, дея хабар беради The Financial Times.
Қайд этилишича, бу борада иккинчи ўрин Швецияга тегишли, у ерда миллиардерларнинг умумий бойлиги ЯИМнинг 30 фоизига тенг. Учинчи ўриндаги Ҳиндистонда эса мазкур кўрсаткич 20 фоизни ташкил этмоқда.
Американинг Morgan Stanley консалтинг компанияси миллиардерларни уч гуруҳга бўлган: “меросхўр”, “яхши” ва “ёмон”. Биринчи гуруҳдагилар бойликларини қариндошларидан мерос қилиб олган, иккинчи гуруҳдагилар эса технология соҳаларида ишлаб бойиган. Учинчи гуруҳдагилар иқтисодиётнинг ноэкологик соҳалари ва эҳтимолий коррупцион йўллардан бойлик топган.
Россия миллиардерлари “ёмон” соҳалардан (қарийб 60%) пул топадиган мамлакатлар рўйхатида иккинчи ўринни эгаллади. Биринчилик Мексикага тегишли.
