Қозоғистондаги намойиш давлат биноларини эгаллаб олишлари керак эди — Аблязов

Қочқин банкир Аблязов РИА Новости агентлигига берган интервьюсида таъкидлаганидек, Киевдаги мувофиқлаштирувчи штаб иши Қозоғистондаги биринчи чиқишлардан сўнг дарҳол фаоллашди. Намойишчилар ушбу штабга қўнғироқ қилишди ва уларга алгоритмга қатъий риоя қилиш тавсия қилинди. Бир томондан, бу алгоритм тинч норозилик намойишларини ўтказишга чақирса, бошқа томондан, маъмурий биноларни эгаллаб олишни назарда тутади.

Шу билан бирга, у 225 киши ҳалок бўлган тартибсизликларни, бир қатор талончилик ва давлат муассасаларига ҳужумларни давлат тўнтаришига уриниш деб ҳисобламайди ва барча чиқишлар тинч ўтганини таъкидлайди.

«Давлат тўнтариши - бу биз конституцияга зид бўлмаган, ҳарбий йўл билан ҳаракат қилганимизда... Мана, бу митингларнинг барчаси бизнинг конституциявий ҳуқуқимиз», деб ҳисоблайди Мухтор Аблязов.

Аблязовнинг ўзи ҳам кўп йиллардан буён хорижда яшайди. Қозоғистонда суд уни жиноий ҳамжамият яратиш ва банк маблағларини ўзлаштиришда айбдор деб топди, етказилган зарар 7,5 миллиард доллардан ошади. Аблязов бошчилигидаги рўйхатга олинмаган «Қозоғистон демократик танлови» ҳаракати мамлакатда экстремистик ташкилот сифатида тан олинган. Бундан ташқари, Аблязов 2004 йилда бизнес шеригини ўлдиришда айбланиб, сиртдан умрбод қамоқ жазосига ҳукм қилинган.