Қорақалпоғистонда шамол электр станцияси қурилади
16 сентябрь куни Қорақалпоғистонда 100 МВт қувватга эга шамол электр станциясини қуриш бўйича халқаро тендер натижалари эълон қилинди.
(https://mift.uz/uz/news/oraalpoiston-respublikasida-shamol-elektr-stantsijasi-urilishi-uchun-investorlar-anilandi)
Ишлаб чиқариладиган 1 кВт/с электр энергия учун 2,5695 АҚШ центига тенг тарифни таклиф қилган ACWA Power (Саудия Арабистони) компанияси шамол электр станциясини қуриш бўйича халқаро тендер ғолиби деб, эълон қилинди. Ишлаб чиқариладиган 1 кВт/с электр энергия учун 2,6550 АҚШ центига тенг тарифи билан Masdar (БАА) компанияси ушбу тендернинг захира ғолиби деб, эълон қилинди.
Инвестициявий мажбуриятларга мувофиқ, шамол электр станцияси 2023 йилнинг ўрталарига келиб ишга туширилади. Лойиҳаларни амалга оширишга жалб этиладиган тўғридан-тўғри хорижий инвестициялар ҳажми 140 млн долларга баҳоланмоқда.
