Путин Россия фуқаролигини олиш тартибини соддалаштирди
Россия президенти Валдимир Путин Россия фуқаролигини олишни соддалаштирувчи қонунни имзолади. Ҳужжат ҳуқуқий ахборотлар расмий порталига жойлаштирилган.
Унга кўра, чет элликлар мавжуд фуқаролигидан воз кечмаган ҳолда Россия фуқаролигини олишлари мумкин. Ота-онасидан бири Россия фуқароси бўлган, эр-хотиндан бири Россия фуқароси ва никоҳда умумий фарзандлари бўлган чет эл фуқаролари, шунингдек, Россияда доимий яшайдиган чет эл фуқаролари ҳамда рус тили ташувчилари соддалаштирилган тартибда Россия фуқаролигини олишлари мумкин.
Бундан ташқари, Беларусь, Қозоғистон, Молдова ва Украина фуқаролари, шунингдек, СССР фуқаролиги бўлган ва унинг таркибига кирган мамлакатларда истиқомат қилувчилар учун ҳам Россия паспортини олиш жараёнлари енгиллаштирилган.
Эндиликда Россия фуқаролигини олиш учун мурожаат қилган чет эл фуқаролари ва фуқаролиги бўлмаган шахслар учун бармоқ изларини мажбурий рўйхатдан ўтказиш тимиз жорий этилади.
