Медведев икки йилдан кейин Украина мавжуд бўлишига шубҳа билдирди
Россия Хавфсизлик кенгаши раиси ўринбосари бир неча йилдан кейин дунё харитасида Украина каби давлат йўқ бўлиб кетишини истисно қилмади.
Россия Хавфсизлик кенгаши раиси ўринбосари Дмитрий Медведев икки йилдан кейин дунё харитасида Украина бўлишига шубҳа билдирди. Бу ҳақда у ўзининг телеграм каналида пост ёзиб қолдирди.
Медведев ўз пости билан Украинанинг ленд-лиз асосида суюлтирилган табиий газни икки йилдан пулини тўлаш билан сотиб олиш режаларига муносабат билдирган.
“Фақат савол. Ким айтдики, икки йилдан кейин Украина умуман дунё харитасида бўлади?”, - дея ёзган Россия Хавфсизлик кенгаши раиси ўринбосари.
Унинг сўзларига кўра, “америкаликларга аллақачон фарқи йўқ”.
“Улар “анти-Россия” лойиҳасига шунчалик сармоя киритишдики, қолган нарсалар улар учун ҳеч нарса эмас”, - дея хулоса қилган сиёсатчи.
