Макрон вакциналар туфайли янги жаҳон уруши авж олганини маълум қилди
Европа вакцинация билан боғлиқ бўлган “янги турдаги жаҳон уруши”га рўбаро бўлди. Бу ҳақда Le Figaro нашри хабар бермоқда, деб баёнот қилди Франция президенти Эммануэль Макрон Европа иттифоқининг онлайн-саммити биринчи куни якунига бағишланган матбуот-анжуманида.
Макроннинг айтишича, бу ҳолат шу жумладан, Россия ва Хитойнинг вакциналар ёрдамида таъсир кўрсатишга бўлган уринишлари туфайли ҳам юз берган.
Франция етакчиси юзага келган ҳолатда Европа вакцина ишлаб чиқариш масаласида мустақил бўлиши кераклигини қайд этиб ўтган.
Яқин ойларда Европа коронавирусга қарши вакцина ишлаб чиқариш ҳажмларини оширади ва йирик ишлаб чиқарувчига айланади, дея ваъда бермоқда Макрон. Шу билан бирга, у, агар ишлаб чиқарувчи Европа иттифоқига етказиб бериш бўйича мажбуриятларини бажармаётган бўлса, вакциналар экспортини блоклашни таклиф этди.
У Pfizer ва Moderna AstraZenecaдан фарқли ўлароқ ўз мажбуриятларини бажараётганини маълум қилди.
Ички бозор масалалари бўйича Еврокомиссар Тьерри Бретон сал аввал Европага Россиянинг коронавирусга қарши "Спутник V" вакцинаси керак бўлмаслиги, сабаби, Европа иттифоқи доирасида ҳозирда тўртта препарат маъқуллангани ва коллектив иммунитет шаклланиши учун шунинг ўзи етарли бўлишини айтган эди.
Сал аввал эса Бретон "Спутник V" – яхши вакциналигини, Европа иттифоқида унинг ишлаб чиқарилишини йўлга қўйиш лозимлигини, ва бу масалада, эҳтимол Россия ёрдами керак бўлиши ҳақида гапирган.
Италия бош вазири Марио Драги эса ЕИ доирасида бу борада ишлар мувофиқлаштирилмагани туфайли, Рим Россия вакцинасига буюртма беришини истисно қилмаган. ГФР канцлери Ангела Меркель эса Европа иттифоқи "Спутник V"дан фойдаланиши зарурлиги, агар ЕИ бу вакцинага буюртма бермаса, Германия бу ишни мустақил амалга ошириши ҳақида баёнот қилган.
Россия президенти Владимир Путин илгарироқ Москва ҳеч кимга ўз вакцинасини тиқиштирмаётганини, аммо Европага у керак эмас, деган таъкидлар янграётганида, шу ерда улар кимнинг манфаатларини қўллаб-қувватламоқда – фуқароларнингми ёки фармкомпанияларнинг, деган савол юзага келишини айтган эди.
Россияда коронавирусга қарши учта вакцина рўйхатдан ўтказилган. Улардан биринчиси — "Спутник V"ни яхши ўрганилган инсон аденовируси платформасида — Гамалея номидаги марказ Россия тўғридан тўғри инвестициялар фонди билан ҳамкорликда ишлаб чиққан.
"Спутник V" 52 та давлатда маъқулланган (умумий аҳоли сони 1,4 миллиард инсондан кўп). Давлат регуляторлари томонидан маъқулланишлар сони бўйича вакцина дунёда иккинчи ўринни эгаллайди.
Шунингдек, Россияда COVID-19га қарши яна иккита вакцина яратилган – бу Роспотребнадзорга тегишли "Вектор" марказининг "ЭпиВакКорона" вакцинаси ҳамда РФАнинг Чумаков номидаги маркази томонидан ишлаб чиқилган "КовиВак" вакцинаси.
