Кремль Путин ва Байден ўртасидаги суҳбат ҳали режалаштирилмаганини айтди

Россия президенти матбуот котиби Дмитрий Песков Россия ва АҚШ етакчилари Владимир Путин ҳамда Жо Байден ўртасидаги суҳбат ҳозирча режалаштирилмаганини айтди.

“Ҳозирча Путин ва Байден учун ҳеч қандай режа йўқ. Лавров ва Блинкен ўртасида бўлиши мумкин бўлган суҳбатга келсак, сиздан ҳамкасбим Маша Захарова билан боғланишингизни сўрайман”, - деди Песков.

Аввалроқ, Россия ташқи ишлар вазири Сергей Лавров Россия томони АҚШ Давлат котиби Энтони Блинкен билан алоқа вақтини мувофиқлаштираётгани ва тез орада қулай сана таклиф қилишини айтганди.