«Кортеж» лойиҳаси седанининг илк расмий сурати чиқди

«Кортеж» лойиҳаси седанининг илк расмий сурати чиқди

Ижтимоий тармоқда Aurus Senat седанининг (седан — узайтирилган кузов ва алоҳида ажралиб турадиган юкхонага эга, одатда 2 ёки 3 қатор эшиклари бор автомобиль тури) дастлабки расмий суратлари пайдо бўлди, деб ёзмоқда «Мотор».

Седаннинг илк расмий сурати Москвадаги Кремль майдонида олинган. Автомобиль «Кортеж» лойиҳаси доирасида ишлаб чиқарилган. Ушбу лойиҳа доирасида мамлакат президенти учун шу номли лимузин ҳам ишлаб чиқарилган.

Сурат ВКонтакте ижтимоий тармоғидаги Aurusmotors саҳифасида эълон қилинган. Суратда Aurus Senat седанининг зирҳли версияси акс этган. Ҳозирча бундай автомобиллар фақатгина Федерал қўриқлаш хизматининг Кремлдаги гаражида бор, холос. Автомобиль 2018 йил август ойида Москвадаги халқаро автосалонда кенг омма эътиборига намойиш этилади. 2019 йил седанни улгуржи сотиш йўлга қўйилади.

Автомобильдан ҳар йили 200 дона чиқарилади. Седаннинг тахминий нархи — 6—7 миллион рубль (автомобилнинг зирҳсиз версияси назарда тутилмоқда).

Aurus Senat зирҳли лимузини Россия Президенти Владимир Путиннинг инаугурация маросимида иштирок этган. Aurus’нинг кичикроқ седанларини эса Кремль яқинида одамлар томонидан тасодифан туширилган суратлардагина кўриш мумкин.

Aurus оиласига «Сенат» умумий номи остида яратилган президентнинг зирҳли лимузини ва ҳукумат вакиллари учун мўлжалланган седан, «Арсенал» катта вени (вен — катталаштирилган кузовли енгил автомобиль) ва «Комендант» йўлтанламаси киради.

Manba: daryo.uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!