Коронавирусдан қайси давлат фойда кўриши маълум бўлди
Хитой ва AҚШдан фарқли ўлароқ, немис иқтисодиёти коронавирус пандемиясидан кейин ривожланади. Европа давлати ўзининг кучли томонларини намойиш этди ва глобал пандемиядан фойда кўриши мумкин, деб ёзади The New York Times.
Экспертларнинг таъкидлашича, яхши ишбилармонлик қобилияти жаҳон савдосининг пасайиши шароитида Германия экспортини ҳимоя қилади.
Германия кўп иш жойлари ва иш ҳақини сақлаб қолди. Бу давлатда ярим кунлик иш билан таъминлаш тизими туфайли рўй берди: бизнес ярим кунлик ишчилар билан иш жойларини сақлаб қолиш учун тўловларни олади.
Германия коронавирус инқирозига бюджет профицити билан кирди. Мамлакат маъмурлари оилаларга тўғридан-тўғри тўловлар беришди, шунингдек солиқларни пасайтиришди ва корхоналарга ссудалар беришди. Ёрдамнинг умумий ҳажми мамлакат ялпи ички маҳсулотининг 55 фоизини ташкил этди. Берлин, шунингдек, қўшни Европа мамлакатларига молиявий ёрдам кўрсатишга рози бўлди.
Нашрнинг таъкидлашича, Европанинг бошқа мамлакатларидан фарқли ўлароқ, Германия барча инқирозни енгишга қодир. Пандемия оқибатлари туфайли Германия ялпи ички маҳсулоти жорий 2020 йилда 6,3 фоизга камаяди.
Биринчи чоракда иқтисодиёт 2019 йилнинг сўнгги уч ойига нисбатан 2,2 фоизга тушди.
Немис товарларига талабнинг тикланиш суръати ҳал қилувчи аҳамиятга эга бўлади, дейди манбалар.
