Коронавирус: фирибгарлар тузоғига тушмаслик учун нима қилиш керак?
Бош прокуратура ҳузуридаги Иқтисодий жиноятларга қарши курашиш департаменти COVID-19 билан боғлиқ безовталикдан фойдаланилаётган фирибгарлар тўғрисида огоҳлантирди. Бу ҳақда ЎзА мухбири Шаҳноза Маматуропова хабар берди.
«Сиз, хориж компанияларидан дори-дармонлар ёки тиббиёт буюмларини онлайн харид қилмоқчи бўлсангиз, пул маблағларини ўтказишга шошилмасдан, қуйидаги тавсияларга амал қилишингизни сўралади:
?онлайн харидларни амалга ошириш хизматини таклиф этаётган компаниялар фаолиятига билдирилган шарҳлар билан танишиш (бошқа мижозлар сотиб олган товарларни олмаганликлари ҳақидаги шикоятлар мавжудми ёки йўқми);
?компания жойлашган мамлакатда эмас, балки бошқа мамлакатда очилган банк ҳисоб рақамига тўловни амалга оширишни сўраса, харидни амалга оширмаслик;
?номаълум юборувчидан келган ёки Сиз кутмаган ҳавола ёки иловаларни очмаслик;
?тиббий асбоб-ускуналарни таклиф қилувчи ёки тиббий кўрикдан ўтказиш учун шахсий маълумотларингизни талаб қиладиган электрон почта хабарларига маълумот тақдим этмаслик.