Конимех туман суди фуқарони муддатидан олдин шартли озод этди
2019 йил 3 декабрь куни жиноят ишлари бўйича Конимех туман суди томонидан сайёр қабул ташкил этилди.
Элмуратов Улуғбек Исмаилович 23.06.2017 йилда ЖИБ Қизилтепа туман судининг ҳукмига кўра, Ўзбекистон Республикаси Жиноят кодексининг 210-моддаси 2-қисмининг “в” бандида кўрсатилган жиноятни содир этганликда айбли деб топилиб, ЖКнинг 57-моддаси асосан 3 йил 10 ой муддатга озодликдан маҳрум қилиш жазоси, ва ЖКнинг 45-моддасига асосан, 2 муддатга моддий жавобгарлик ва мансабдорлик лавозимларида ишлаш жазоси тайинланган. Элмуратов Улуғбек Исмаилович 2019 йил 3 декабрь куни жиноят ишлари бўйича Конимех туман суди раиси томонидан сайёр қабулида Ўзбекистон Республикаси Жиноят кодексининг 73-моддаси тартибида жазо ўташдан муддатидан илгари шартли озод этилди. Элмуратов Улуғбек Исмаилович юртимизда олиб борилаётган суд-ҳуқуқ ислоҳотлари, ҳуқуқий демократик давлат ва адолатли фуқаролик жамияти қуришга, қонун устиворлигини таъминлашда иштирок этаётган судьяларга, хусусан, жиноят ишлари бўйича Конимех туман суди раисига ва суд ходимларига ўз миннатдорчилигини билдирди.
