Жо Байден яна адашди! У Путиннинг фамилиясини нотўғри айтди

АҚШ президенти Жо Байден Россияга бағишланган чиқишида Владимир Путиннинг фамилиясини нотўғри айтди, аммо хатосини зудлик билан тўғирлади.

“Мен, шунингдек, президент Клутинга… Путинга шуни аниқ тушунтирдимки, Қўшма Штатлар Европадаги ўз иттифоқдошлари ва ҳамкорларини сўзсиз қўллаб-қувватлайди”, – деди Оқ уй раҳбари.

Бундан бир неча дақиқа олдин у “эскалация” ва “вакцинация” сўзларини адаштириб юборди. “АҚШ Россия билан вакци… эскалация циклини ва зиддиятни бошламоқчи эмас”, – деди Байден.

Америка етакчиси бундай хатоларга тез-тез йўл қўяди. Масалан, март ойида бўлиб ўтган матбуот-конференциясида у Камала Харрисни АҚШ президенти деб атаганди.