Жанубий Корея раҳбари туғилиш муаммосига бағишланган вазирлик ташкил этишни режалаштирмоқда
Корея Республикаси Президенти Юн Сок Ёль туғилиш даражасини миллий инқироз деб атади ва ушбу муаммога бағишланган вазирлик яратиш режасини эълон қилди. Унинг сўзларини Yonhap агентлиги келтирмоқда.
«Миллий фавқулодда ҳолат деб аташ мумкин бўлган паст туғилишни энгиш учун биз давлат салоҳиятини тўлиқ сафарбар қиламиз», деди у.
Дастлабки режаларга кўра, бўлим туғилишнинг паст даражаси сиёсатини режалаштириш вазирлиги деб номланади. Унинг раҳбари, шунингдек, Бош вазирнинг ижтимоий масалалар бўйича ўринбосари лавозимини ҳам эгаллайди. Жанубий Корея етакчиси кўпчилик мухолифат назоратида бўлган Миллий ассамблеяни тегишли нормаларни ўзгартиришда ҳамкорлик қилишга чақирди.
Корея Республикасида туғилишнинг умумий коэффитсиенти – бир аёлга унинг умри давомида ўртача туғилганлар сони 2023 йилнинг тўртинчи чорагида 0,65 ни ташкил этди. Бу мамлакат ва дунё бўйича энг паст кўрсаткичдир. Аҳолининг табиий кўпайиши учун 2,1 коэффитсиен
