Жаҳон чемпиони Нурмагомедов - Макгрегор жангида ким ғалаба қозонишини тахмин қилди
Бокс бўйича енгил вазн тоифасида жаҳон чемпиони Майки Гарсия Мутлақ жангчилар чемпионатида россиялик Ҳабиб Нурмагомедов ва ирландиялик Конор Макгрегор ўртасида бўлиб ўтиши режалаштирилган жанг ҳақида ўз фикрини билдирди.
Гарсиянинг фикрига кўра, ташкилотнинг ҳозирги чемпиони жангда фаворит саналади.
«Очиғини айтадиган бўлсам, мен Ҳабиб иштирокидаги барча жангларни кўрмаганман, бироқ, кўрган нарсаларимга қараганда, у Макгрегорни мағлуб этади. У ишончли ғалаба қозонади. UFC 229 мусобақасига бораманми? Эҳтимол. Менинг жияним ушбу турнирга боришни истайди», - дея унинг сўзларини келтиради FightHype.
Макгрегор - Нурмагомедов жанги 6 октябрь куни Лас-Вегасда бўлиб ўтади.
Manba: kun.uz
Матнда хатолик топсангиз, ўша хатони белгилаб, бизга жўнатинг (Ctrl + Enter).
