«Ҳаммага раҳмат айтаман». Роналдунинг мухлисларга хайрлашув мактуби

«Ҳаммага раҳмат айтаман». Роналдунинг мухлисларга хайрлашув мактуби

Жамоа расмий сайти Роналдунинг хайрлашув хатини эълон қилди.

«Реал»даги йиллар, балки, ҳаётимдаги энг бахтли дамларимдир. Мен клуб ва шаҳарга фақат ва фақат улкан миннатдорчилик билдира оламан. Улардан олган севги-муҳаббатим учун ҳаммага ташаккур айтаман.

Шунга қарамай ҳаётимда янги босқични бошлаш вақти етди деб ўйлайман. Айнан шу боисдан ҳам клубдан мени қўйиб юборишларини сўрадим. Барча мухлислардан тушунишларини сўрардим. Ишқибозлар бутун тўққиз йилда ҳам ажойиб эди. Бу ўзгача тўққиз йил мафтункор давр эди.

Жамоада ажойиб шерикларга эга бўлдим. Биргаликда қаторасида кетма-кет 3 йил Чемпионлар Лигасини ютдик. Беш йилда эса 4 марта! Улар сабаб 4 та «Олтин тўп», 3 та «Олтин бутса»га эришдим. Бу давр мобайнида улкан клубда бўлдим.

«Реал Мадрид» қалбимни забт этди. Клуб, президент, директорлар, жамоадошлар, шифокорлар, физиотерапевтлар ва барча хизматчи-ходимларга раҳмат деб қоламан.

Жуда кўп ўйладим ва кетиш вақти етганини билдим. Мен кетаман, аммо бу либос ва «Сантьяго Бернабеу» қаерда бўлмайин, аввалгидек мен билан қолаверади. Ҳаммага 9 йил олдин стадионда биринчи айтган гапимни айтаман — «Ҳала Мадрид».

Криштиану Роналду, футболчи

33 ёшли португалиялик 2009 йилда «Манчестер Юнайтед»дан «Реал»га ўтганди. Ўшанда мадридликлар футболчи учун 93 миллион евро тўлаганди.

Испан клуби билан Роналду 13 та унвонни қўлга киритди. У тўрт марта Чемпионлар Лигасини, икки мартадан Испания чемпионати, Испания Кубоги, Испания Суперкубогини, уч марта клублар ўртасидаги жаҳон чемпионатини ғолиблигини қўлга киритган.

Умумий ҳисобда Роналду «Реал»да 438 та учрашув ўтказиб, 450 та гол киритган. Клуб учун ундан кўп гол киритган футболчи йўқ.

Манба: daryo.uz
 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!