Гаити президентини ўлдиришда 26 колумбиялик ва 2 америкалик иштирок этган
Гаити полицияси президент Жовенел Моисенинг ўлдирилишида 28 нафар ёлланма аскарлардан иборат гуруҳ, жумладан 26 нафар Колумбия фуқароси ва 2 нафар америкалик иштирок этганини айтди, деб ёзади ББC.
Полиция раҳбари Леон Чарлзнинг сўзларига кўра, 8 гумонланувчини қидириш ҳанузгача давом этмоқда, гуруҳнинг қолган қисми ўлдирилган ёки ҳибсга олинган.
Чарлзнинг сўнгги маълумотларига кўра, 15 колумбиялик ва 2 америкалик ҳибсга олинган, 3 ҳужумчи ўлдирилган.
Чоршанба куни расмийлар гумондорлар яширинган уйни пойтахт Порт-о-Пренсда жиноят содир бўлган жой яқинидан топдилар. Улар билан отишма кечгача давом этди ва пайшанба куни полиция ҳужумчиларнинг аксариятини қўлга олишга муваффақ бўлди.
Шу билан бирга, гумонланувчилардан 11 нафари Тайван элчихонаси биносида ҳибсга олинган. Хабарларга кўра, қўриқчилар Моизнинг ўлдирилиши ортидан хавфсизлик нуқтаи назаридан ёпилган миссия биносига бир гуруҳ қуролланган одамлар кириб келишган. Шундан сўнг, элчихона ходимлари босқинчиларни ҳибсга олиш учун полицияга бинога киришга рухсат беришди.
Чарлз матбуот анжумани ўтказди ва ҳибсга олинганларни олиб келди: улар қўлларида кишан билан ўтирган журналистларга кўрсатилди, уларнинг қўллари орқасида кишанланган эди. Шунингдек, расмийлар улардан тортиб олинган қуролларни, Колумбия паспортларини, радиостанцияларни ва турли хил асбобларни, шу қаторда арматурани кесиш учун болға ва қайчини намойиш этишди.
"Чет элликлар мамлакатимизга президентни ўлдириш учун келишди", деди полиция раҳбари.
Колумбия мудофаа вазири Диего Молано, дастлабки маълумотларга кўра, ҳужумда Колумбия армиясининг собиқ аъзолари иштирок этганини айтди. У қотилликни тергов қилишда Богота ёрдам беришига ваъда берди.
Вашингтон ҳужум қилганлар орасида AҚШ фуқаролари бўлганлиги ҳақидаги маълумотни ҳали тасдиқламади. Aйни пайтда Гаитида полиция жиноятга буюртма берганларни қидирмоқда ва Aмерика расмийларидан терговда ёрдам беришни сўради.
7 июльга ўтар кечаси номаълум шахслар Гаити президенти Жовенел Моисе қароргоҳига бостириб кириб, уни отиб ўлдиришди, шу билан бирга унинг хотинига жиддий жароҳат етказишди.
