Эшитиш қобилияти чекланганлар учун махсус алифбо чоп этилди
Эшитиш қобилияти чекланганлар учун учун махсус алифбо деб номланган мазкур китоб Туркия Дин ишлари бўйича бошқармаси рухсати билан нашрга тайёрланиб чоп этилган. Китоб Қуръони каримдан эшитиш қобилияти чекланганларга дарс берувчи ўқитувчилар ва шундай ногиронлиги бўлган ўқувчиларга мўлжалланган, деб хабар беради Sabah газетаси.
Маълум бўлишича, янги алифбо жуда ҳам пухта ишланган энг сўнгги вариант ҳисобланади. Унда Қуръони каримни ўргатиш учун барча имо-ишоралар батафсил баён этилган. Ҳатто, ўқишни тезроқ ўрганиш мақсадида ҳарфлар тартибига ва шаклига қараб 7 та гуруҳга ажратилган. Ҳар бир гуруҳ сўнггида 3 варақдан иборат машқлар берилган.
Босма нашрлар бўлими раҳбари Фарух Гургулининг ОАВга берган интервьюсида, 2019 йилдан бошлаб эшитиш қобилияти чекланганлар учун суралар ва дуолар китобини ҳам нашрдан чиқариш ҳам режада борлигини таъкидлаб ўтган. Унинг айтишича, Дин ишлари бошқармаси томонидан бугун Туркияда яшайдиган 900 минг атрофидаги ана шундай инсонлар учун алифбони бепул тарқатиш назарда тутилган.
Manba: islom.uz
