Эрон Хавфсизлик кенгаши котиби Россияда бўлиб ўтадиган хавфсизлик форумида иштирок этади
Эрон Миллий Хавфсизлик Кенгаши (МХК) котиби Али Акбар Аҳмадиан Санкт-Петербургда бўлиб ўтадиган хавфсизлик масалалари бўйича олий вакилларнинг 12-халқаро йиғилишида иштирок этади .
Бу ҳақда Эроннинг ИРНА агентлиги маълум қилди, деб ёзади «Репорт» .
Унга кўра, Эрон Хавфсизлик кенгаши котиби Россия Хавфсизлик кенгаши котиби Николай Патрушевнинг таклифига биноан тадбирда иштирок этади.
Маълум қилинишича, Аҳмадиан Санкт-Петербургда Россия, Бразилия, Жанубий Африка, Хитой, Ҳиндистон ва Ироқдаги ҳамкасблари билан алоҳида учрашувлар ўтказиш ниятида.
Эслатиб ўтамиз, учрашув 23-25 апрель кунлари Санкт-Петербургда бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).