ДТМ кепкалар билан боғлиқ масалага изоҳ берди

ДТМ директори ўринбосари Сардор Ражабов:

— 1 миллион 300 минг абитуриент учун кепкани етказиб бериш бўйича 7 та корхона билан ишлаганмиз. Лекин барчага етказиб берила олинмади.

Тест маркази томонидан 198 мингта кепка харид қилинган.

— Абитуриентларга бош кийим тарқатиш учун қайси корхоналар билан шартнома имзоланган?

— "BOBURXON BN NODIRXON” корхонасидан ташқари, "Sulton kep", "Yengil sanoat savdo" "Elegant ziyo biznes tekstil" "Ulug‘bek baraka tekstil", "Bayov tekstil trikotaj servis", "Mega servis savdo" корхоналари билан ҳамкорлик қилинган ва улардан кепкалар сотиб олинган. 

Барча вилоятга кепкалар юборилган, бироқ етарли бўлмаган. 198 мингта бош кийим харид қилинган, ундан кўпини ҳеч ким етказиб бера олмаган. Тўғри, баъзи сменаларда Тошкентда ҳам етмади. Шу боис қуёш тушмайдиган жойларга бош кийим берилмади.