Демократ Байден президентликдан кетиши кераклигини айтди

Америка Қўшма Штатлари Демократик партияси аъзоси Жефф Янг АҚШ Президенти Жо Байден уруш жиноятлари учун лавозимидан четлатилиши кераклигини айтди. Бу ҳақда у Twitter'даги саҳифасида ёзиб қолдирди.

“Менимча, Жо Байден Украина, Яман, Сурия, Ироқ ва бошқалардаги уруш жиноятлари учун зудлик билан импичмент қилиниши керак. Шунингдек, Украинада Россияга қарши прокси урушни давом эттириш учун”, дейилади хабарда.

Бундан ташқари, демократ АҚШнинг 1945-йилдан буён барча президентлари ҳарбий жиноятчилар бўлганига амин.

Аввалроқ Жефф Янг АҚШ Давлат котиби Энтони Блинкенни "Украинада минглаб этник рус фуқароларини ўлдиришда АҚШ ҳукумати ва НАТОга ёрдам бераётган" "устоз уруш жиноятчиси" деб атаган эди .

"Сизни уруш жиноятлари учун суд қилиш керак ва шартли равишда 30 йилга озодликдан маҳрум қилиш лозим", деганди у.

Янг, шунингдек, Жо Байден миллий хавфсизлик бўйича маслаҳатчи Жейк Салливан ва Давлат котиби ўринбосари Виктория Нуланд учун ҳам шундай қилиш кераклигини таъкидлади.