Буюк Британия парламенти қочқинларни Руандага депортация қилиш тўғрисидаги қонун лойиҳасини қабул қилди

Буюк Британия парламенти муҳожирларни Руандага чиқариб юбориш ҳақидаги қонун лойиҳасини қабул қилди.

The Guardian нашрининг ёзишича, ҳужжат 17 январь куни Жамоатлар палатаси томонидан учинчи ўқишда маъқулланган, бироқ Лордлар палатаси шу вақт давомида тузатишлар киритишни талаб қилган. Қонун 23 апрелда якунланиши кутилмоқда.

Март ойининг охирида Лордлар палатасида қонун бўйича овоз бериш бўлиб ўтди, кейин қонун лойиҳасини қабул қилиш апрелга қолдирилди. The Guardian нашрининг ёзишича, парламент аъзолари ҳужжатнинг халқаро ҳуқуқ нормаларига мос келмаслиги юзасидан лойиҳага тузатиш киритиш учун овоз берган. Бугунги овоз бериш натижаларига фақат ярим тунда бўлиб ўтди - Бош вазир Риши Сунак сешанба кунигача қонун лойиҳасини қабул қилишнинг барча босқичларини тугатишни талаб қилди, ҳатто депутатлар парламент уйида тунашга мажбур бўлишса ҳам.

Улар 2021 йилдан буён ташаббусни қабул қилишга ҳаракат қилишмоқда. Унинг моҳияти Буюк Британияга ноқонуний равишда кирган ҳар бир кишини Руандага жойлаштиришдан иборат. Айнан мана шу Африка давлатида ноқонуний муҳожирлар Буюк Британиядан бошпана сўраш бўйича аризаларни кўриб чиқиш натижасини кутишлари режалаштирилган. 2023 йил ноябрь ойида Британия Олий суди бундай схемани ноқонуний деб топди. Суд қарорига кўра, Африка давлати сиёсий бошпана изловчилар учун хавфли ҳисобланади.

Британия оммавий ахборот воситаларининг қайд этишича, қонун лойиҳасининг қабул қилиниши Британия ҳукуматини Инсон ҳуқуқлари бўйича Европа судида даъволарга дучор қилиши мумкин, чунки қироллик Инсон ҳуқуқлари бўйича Европа конвенциясини имзолаган. Аввалроқ Европа суди Руандага бошпана изловчиларни юборишни тақиқлаган эди.