Британия қирғоқларидан 100 йил олдин чўкиб кетган кема топилди

A A A
Британия қирғоқларидан 100 йил олдин чўкиб кетган кема топилди

Буюк Британиялик денгиз ғаввослари гуруҳи Англия қирғоқлари яқинида 1917-йил — Биринчи жаҳон уруши авжига чиққан пайтда немис сувости торпедоси томонидан чўктирилган Американинг “Жейкоб Жонс” кемасини аниқлади.

АҚШ Ҳарбий-денгиз кучлари тарихи ва мероси департаменти (NHHC) вакилларининг маълум қилишича, Британиянинг Darkstar ташкилотидан бир гуруҳ ғаввослар кичик инглиз архипелагидаги Силли яқинида кема қолдиқларини топган.

Кема 1917 йил май ойидан Британия қирғоқлари бўйлаб конвойларни кузатиб бориши керак эди. Аммо у 6 декабрь куни чўкиб кетди. Немис торпедоси унга ўт очганида кема инглиз қирғоқларидан тахминан 160 километр узоқликда – Ла-Манш канали яқинида бўлган. Тарихчиларнинг сўзларига кўра, 110 денгизчидан атиги 46 нафари қочишга муваффақ бўлган.

1000 тоннадан ортиқ сув сиғими бўлган кема жуда тез чўкиб кетганлиги сабабли унинг ҳалокатга учраган жойи 100 йилдан ортиқ сир бўлиб қолди.

Ғаввосларнинг сўзларига кўра, кема 120 метрдан ортиқ чуқурликда жойлашган. Кема ҳалокатга учраган жойни тадқиқ қилиш ишлари келгусида АҚШ вакиллари томонидан олиб борилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Фикр билдириш учун қайдномадан ўтишингиз сўралади ва телефон ракамни тасдиклаш керак булади!