Берлиннинг собиқ мэрига ҳужум уюштирилди
Сешанба куни Берлиннинг собиқ мэри, Jn Оила масалалари бўйича федерал вазир Франциска Гиффига ҳужум уюштирилди.
Берлин кутубхонасида бўлиб ўтган тадбир вақтида унинг орқасидан номаълум эркак келиб, ичига қаттиқ нарса солинган сумка билан калтаклаган. Сиёсатчи боши ва бўйнидан жароҳат олган ва амбулатор даволаниш учун касалхонага ётқизилган.
Полиция ҳужумчини қўлга олди, у 74 ёшли эркак бўлиб чиқди. Маҳаллий матбуотнинг ёзишича, унда “руҳий касаллик белгилари” бор. Гумонланувчининг ҳужуми сабаблари аниқланмоқда. Эркакнинг квартираси тинтув қилинди.
Ҳужумдан кейин Ф.Гиффи воқеага изоҳ берди. У вазият ва Германияда сиёсий фаол ҳамда содиқ одамларга ҳужумлар сони ортиб бораётганидан хавотирда эканини айтди.
Ўтган ҳафта Европарламентга етакчи номзодлардан бири, социалист Маттиас Экке Дрезденда плакатларни осган вақтида оғир жароҳат олган эди. Полиция ўта ўнг қанотга алоқадор бўлган тўрт нафар ўсмирни тергов қилмоқда.
Аввалроқ шаҳарда Яшиллар фаоли калтакланган, сешанба куни эса партия вакили Ивонна Мослерга ҳужум қилинган эди.
