“Барселона” охиригача бормоқчи: “Эль-класико” қайта ўтказилиши мумкин

Испания чемпионати навбатдаги турида, 21 апрелдан 22 апрелга ўтар кечаси “Реал” “Барселона”ни қабул қилганди. Ўйинда баҳсли ҳолат юзага келган, яъни Каталония клуби футболчиси Ламин Ямал берган зарбани “Реал” посбони Лунин қайтарганди, лекин тўп чизиқни кесиб ўтгани ёки ўтмагани сўроқ остида қолди. Бош ҳакам тўп чизиқни кесиб ўтмаган деб топди, Каталония клуби эса гол бўлган деб ҳисобламоқда.

BleacherReport нашрига кўра, “Барселона” президенти Жоан Лапорта Испания ҳакамлар марказига мурожат қилиб, Ямалнинг зарбасидан кейин тўп ичкарига киргандек кўринган эпизод бўйича барча видео ва аудиоларни сўраган. Уларни ўрганиб чиқиб, гол борлиги аниқланса, “Барселона” учрашувни қайта ўтказишни талаб қилмоқчи экан. Лапортанинг айтишича, клуб охиригача бормоқчи.